12‏/08‏/2014

طريقة عمل العجينة اليابانية التانق زونق - بالصور و السينابون


طريقة عمل العجينة اليابانية التانق زونق - بالصور

التانق زونق |tangzhong |Water roux starter

ما هو Tangzhong ؟
  
هي طريقه منتشره في اليابان والصين لصنع العجين باشكاله ( المكرونه الكعك ، النودلز ) 

يستخدم فيها خليط من الدقيق يقابله 5 اضعاف الكميه من الماء يتم تسخينه بالحراره لتصل حرارته 65 درجه مؤية 

ثم يضاف للعجينه الأصليه مما يجعل الغالوتين في الدقيق يمتص الرطوبه اكثر فينتج عنه عجينه اكثر ليونه و تعيش لفتره اطول .

مقادير التانق زونق //

25 جرام دقيق [ قسته بالملعقه تبع القياس وكانت ملعقتين ]

125 جرام ماء [تقريبا نص كاس ماء ]


نبدأ بالطريقه :

نقيس الماء ونضعه في قدر ستيل عشان ما يسود الخليط 

نضيف مقدار الدقيق ونخلط الى نحصل على خليط مافيه اي كتل 

ثم نرفعه على نار هادئه ونقلب وما نشيل ايدينا منه عشان ما يلصق الدقيق بقاع القدر 





شايفين كيف شكله هو بيصير له مثل الرغوه 



ونستمر بالتقليب حتى يبدا يتماسك ويصير قوامه مثل البشاميل من دون ان يغلي 


انا ما عندي مقياس حراره هم يقولون لازم حرارته 65 درجه 

طيب زمان ما كان فيه مقياس ويعرفون بالخبره والنظر وانا تابعت مقاطع كثيره 

واتبعت طريقتهم .

المهم قوامه ثقيل شوي وقابل للصب 




نصبه في اي صحن ونغلفه بنايلون ولازم يلامس سطح الخليط عشان ما تتكون قشره 





ونخليه لين يصير بحرارة الغرفه ونبدا نستخدمه ,,


هم يقولون ممكن تحتفظ بالخليط في الثلاجه الى 3 ايام 

او الى ان يتغير لونه ويصير غامق 

انا الصراحه ما جربت احفظه كنت اسويه واستخدمه على طول في نفس اليوم 


العجينة اليابانيه || 

تستخدم مع التانق زونق في صنع الخبز واكثر شيء يستخدم للتوست والبونس والصامولي واغلب انواع الخبز المنفوخه 

تعطيك مخبوزات كانها قطنه وتحميرها حلو ومو معجنه على بعض وتشابه في مقاديرها خبز الباباروتي نفس طرواته 

ندخل على المقادير //
270 جرام دقيق [2 وربع كأس ]
20 جرام حليب بودره [ 2 ملعقة كبيره ]
40 جرام سكر [ 3 ملاعق كبيره ]
نص ملعقه صغيره ملح 
6 جرام خميرة فوريه [ ملعقه حلى ]
30 جرام بيضه مخفوقه [ بيضه صغيره 
85 جرام ماء دافىء [ نص كاس ]
22 جرام زبده [ ربع اصبع الزبده ابو 100 جرام ونقصي منه نتفه ]


اضافه الى التانق زونق اللي فوق ..

[انا في هالعجينه اخذت من الكميه ملعقه على جنب والباقي اضفته للعجينه ] 


الطريقه :~
 
نضع كل المقادير بالعجانه عدا الماء والزبده  



ونبدأ نعجن ونضيف الماء بالتدريج الى ان تختلط المقادير زين ,,

واذا بدات تتماسك العجينه نضيف الزبده قطعه قطعه 





ونستمر بالعجن تقريبا 10 دقائق على سرعه متوسطه الى هادئه الى ان نحصل على عجينه ناعمه 

وطرية كانها قطن من طرواتها ومتماسكه [ ترى في البدايه راح تحسين ان العجينه لينه لكن مع الاستمرار بالعجن راح تتماسك وتشد على نفسها ]

انا اعجنها فتره بالعجانه وبعد كذا اعجنها بيدي ممتع العجن باليد بالنسبه لي ..






عشان تعرفين انتي عجنتي مضبوط او لا ؟


خذي قطعه من العجينه بين ايديك وحاولي تفرديها وتمطيها على الخفيف اذا تقطعت بسرعه 

هذا دليل ان العجينه محتاجه عجن زياده واذا فردتيها ومطيتيها من دون ما تتقطع وصارت شفافه هنا 


خلاص نجحتي العجينه توب التوب 

ما قدرت اصور زين وقتها لاني لوحدي فما وضحت زين 

في الاولى انقطعت العجينه 

والثانيه استمريت اعجن لين ضبطت معي الحركه 






هذا شكل العروسه بعد ما انتهينا من عجنها ودعكها 




نلفها ونخليها تختمر الى ان يتضاعف حجمها زين 



وبعدها نشتغل عليها ..







السينابون






استخدمت طبعاً العجينه اليابانيه مع التانق زونق 
بعد ما تخمر وتضبط العجينه ناخذ المقدار كله ونفرده على شكل مستطيل كبير
وندهنه بالزبده ونخلي طرف من العجينه ما توصل له الزبده علشان تتقفل الحبات مضبوط 
لو في الطرف الاخير زبده ما راح تنقفل معاك الحبات زين 

 

نرش القرفه والسكر البني والسكر العادي احب اخلطهم 
ونبدا نلف العجين مثل العاده 

 

الى ان ننتهي الى الطرف ونحاول نكبس باطراف الاصابع علشان تتلصق العجينه ببعض 
ونقطعها بسكين حاده او خيط مثل ما تحبي
هالمقدار عمل لي 10 حبات مقاسهم حلو لا كبيره مر ولا هي صغيره نرصهم بصينيه مدهونه بالزبده ونخخليهم يرجعوا يختمروا مره ثانيه لمدة لا تقل عن نص ساعه 


هنا شكلهم بعد مرور النص ساعه نكون مشغلين الفرن قبل ربع ساعه وساخن وجاهز على حرارة 220 


 

ما ياخذوا وقت في الفرن بسرعه يستوو ما يتعدى 20 دقيقه 

 


وهذا شكلهم بعد ما طلعتهم من الفرن والريحه معبيه البيت  


 

نلفها بقصدير 5 الى 10 دقائق 
وبعدها لك مطلق الحريه تقدميها وتصبي فوقها اللي تحبي
توفي شكولاته خليط الجبن مع الحليب المركز حسب رغبتك
انا افضل اقدمها دافيه الذ
شوفوا كيف بمجرد ما تمسكها الشوكه تتقطع معاك كانها قطنه

 

الصور تغني عن الكلام 

 

هنا حطيت عليها خليط الجبن والحليب المركز مع جوز البيكان المحمص والتوفي  

 



11‏/08‏/2014

طريقة عمل حلى الكوفي اللذيذ - بالصور



طريقة عمل حلى الكوفي اللذيذ - بالصور


المقادير مع الطريقه 


الطبقه الاولى ..

*كيك شوكولاته جاهز او بيبتي كروكر 

*نسقيه ( ملعقة نسكافيه + ملعقتين حليب بودره + شوي مويه لين يصير سايل )







الطبقه الثانيه ..

* 4 م ك حليب بودره 

* 2 باكيت كريم كراميل 

* 2 كأس ماء 
نحطهم على النار مع التحريك كل شوي لحد مايبدأ يغلي 






بهذا الوقت نكون حطينا بالخلاط

نص باكيت بسكوت شاهي مكسر مع ..

* علبة قشطه 

* م ص نسكافيه 







والنص الباقي من البسكوت نكسره على وجه الطبقه الاولى ...


ونصب عليهم الكراميل وهو حار ونخلط ونصبه على الطبقه الاولى 

وندخله الثلاجه 






بهذا الوقت نغسل المواعين  وبعدين نسوي الطبقه الثالثه وتكون الطبقه الثانيه جمدت 





الطبقه الثالثه ..

* 4 م ك حليب بودره 

* ظرفين كريم كراميل 

* 2 كاس ماء 
* 1 م ص كوفي 
* 1 م ك بودره كاكاو 
ونحطهم بقدر على النار واذا بدأ يغلي نشيله من النار ونصبه على الطبقه الثانيه 
وندخله الثلاجه لحد مايبرد ..
وتمتعي بألذ واسهل حلى بنكهة النسكافيه امممممممممم








الكنافه بالتوست

الكنافه بالتوست


المقادير:
2 كيس خبزتوست
اصبع ونص زبده


الحشوه:
7 ملاعق نشا
7 ملاعق حليب بودره
6 ملاعق سكر
3 كاس ماء
1 و 1/2 علبة قشطه


أولاً
نذوب الزبده

نشيل حوايف التوست ,, ونحط التوست بالخلاط حتى يتفتت 
وبعدين نخلط الزبده والتوست باليدالين ماتتوزع الزبده زين



نحط كل مقادير الحشوه على النار الا القشطه
ونحركها الين ماتبدي شوي تثقل بعدين نحط القشطه ونحركها بسرعه ونطفي النار


نقسم خلطة التوست قسمين القسم الأول نرصها بصينه
انا مسويه صنيه صغيره وكبيره يعني
المقاديرهاذي لصنيتين


وبعدين نصب الخليط عليها


وناخذالقسم الثاني من التوست ونحطه عليها 
وننساويه باليد لحدمايتساوا


ندخلها الفرن الى مانشوف بدت حوافها يصير لونها ذهبي
نطلعها و نزينها ع حسب الرغبة انا اخترت فستق مطحون واسقيها بشيرة (قطر)

وهاذا الشكل النهائي 

طريقة عمل الفلفل الأندونيسي - بالصور

طريقة عمل الفلفل الأندونيسي - بالصور



المقادير 

فلفل أخضر - ثوم - كزبرة - ليمون - خل - ملح ( المقادير زي ماتحبي ) ..
جميع المقادير ع الخلاط ..








نحمرها في زيت زيتون غزير ( يغطي المقادير ) ..ونخليها الين يبدا يغلي ونطفي النار ونغطي القدر عليها الين تبرد ..



نحفظها بعلبه ( زي مانتو شايفين كمية زيت الزيتون كثيرة تعطي طعم وشي ثاني تحفظها لكي ماتخرب لأطول مدة ) ...



الشكل النهائي 

وبالعآآفيه ..

14‏/04‏/2013

كيف تطلع الروح من الانسان


كيف تطلع الروح من الانسان لشيخ محمد العريفي

16‏/01‏/2013

البرياني الافغاني ..~

البرياني الافغاني ..~



المقااادير..~

دجاجة مقطعه منزوعة الجلد
*ملعقة صغيرة من الملح
* عصير نصف ليمونة
* ملعقة صغيرة من معجون الزنجبيل/ الثوم
*1 ملعقة كبيرة من زيت الخردل او زيت زيتون
3 ملعقة كبيرة من الزبادي
* 1 ملعقة صغيرة من الهيل المطحون
* 1 ملعقة صغيرة من الفلفل الأبيض المطحون
* 1 ملعقة صغيرة من حبوب الكمون والكزيره والفلفل الاسود + عود قرفه+2ورق غار+3قرنفل+3هيل+2ورق كاري
ملعقة صغيره جرام ماسالا كاملة
* 1 بصلة مقطعة إلى قطع رفيعة +ثوم وزنجبيل مفروم
* شرائح من الفلفل الأخضر الحار


* 2 ملعقة كبيرة من الكريمة  
بصله صغيره مقطعه شرائح
ومحمره ملعققة كبيرة من مكسرات الكاشو المحمصة والزبيب

خليط من ملعقة بودرة جوز  الهند_قليل من النعناع-الكزبره وتفرم بالخلاط 


طريقة  التحضير


تتبيلة الدجاج

 يقطع الدجاج إلى قطع  كبيرة ويخلط جيداً مع نصف ملعقة من الملح وعصير نصف ليمونة وملعقة صغيرة من معجون الجنزبيل/ الثوم وملعقة كبيرة من كلاً من زيت الخردل والزبادي ونصف ملعقة صغيرة من  كلاً من الهيل المطحون والفلفل الأبيض المطحون
تترك قطع الدجاج في التتبيلة لمدة يوم او على  الاقل 2ساعه


* تشوى قطع الدجاج أو توضع  في الفرن حتى تنضج


وتخرج من الفرن بعد الاستواء



طريقة الطهي..


· توضع 2 ملعقة كبيرة من الزيت في قدر على النار ويضاف إليه ملعقة صغيرة من حبوب الكمون والكزيره 

والفلفل الاسود + عود قرفه+2ورق غار+3قرنفل+3هيل+2ورق كاريحتى يتشبع الزيت بالنكهه  وتشال الاوراق والحبوب


تضاف بعدها بصلة مقطعة إلى شرائح رفيعة وتشوح حتى تذبل يضاف إلى البصل 2ملعقة كبيرةالثوم والزنجبيل ونصف ملعقة صغيرة من كلاً من الفلفل الأبيض المطحون والهيل المطحون ثم يحمر الخليط على النار
 يضاف إلى الخليط 3 ملاعق  كبيرة من الزبادي والقليل من الملح وربع كوب من الماء ويقلب الخليط جيداً 



تضاف بهارات الماسالا ويترك الخليط على النار حتى الغليان



ثم يضاف إليه قطع الدجاج المطهية وشرائح من الفلفل الأخضر الحار


ثم يضاف خليط الكزبرة المفرية والنعناع المفري

ويترك حتى يتسبك



ثم يضاف ملعقة كبيرة من الكريمة ويترك الخليط على النار 



طريقة التقديم 


يسلق الارز حسب الطريقه  المعتاده ومن ثم يصفى من الماء


توضع طبقة من الأرز المطهي 


يليها طبقة من خليط الدجاج



ثم طبقة االمكسرات


طبق اخرى من الارز


* يرش فوق الطبق البصل المحمر والكاشو والزبيب المجفف والكزبرة المفرية 
والنعناع المفري


يغلق القدر بورق الألومنيوم  ويوضع في الفرن لمدة 5 دقائق
ويقدم مع سلطة الرايتاا